Nafarroako Gobernuko Herritarrekiko Harremanetako Departamentuko Bakearen, Bizikidetzaren eta Giza Eskubideen Zuzendaritza Nagusiak iaz abian jarritako “Ipuina eskuz esku Giza Eskubideak” ekimenak bigarren edizioa ondu du aurten.

2020ko azaroan zehar, jarraipena eman zaio batetik Jon Arretxe idazleak euskaraz hasitako ipuinari. Egunero-egunero, ikastetxe bat arduratu da, zenbaitetan bi, ipuin-kate bakoitzari lerro batzuk gehitzeaz. Ipuinaren lanketa aitzakia polita izan da Giza Eskubideak ezagutu eta aztertzeko, irudimena, sormena, ideia trukea, eztabaida, adostea, irakurketa eta idazketa lantzeaz gain. Guztira 47 ikastetxetako ia 1.900 ikaslek parte hartu dute 65 irakaslerekin batera.

Guk ere gure zatitxoa sortu eta idatzi genuen. Ipuin polit-polita egin dugu eskola guztion artean.

Ez galdu irakurtzeko aukera!

Ipuina webgune honetako FAMILIAK > BALIABIDEAK atalean izango duzue.