Hegoleok gure geletan erronka bat proposatu digu. Denon artean ur botila hau bete behar dugu, bertan dagoen mezua irakurri ahal izateko. Baina ura bota ahal izateko, euskaraz hitz egiten saiatu behar gara!

Egun bereziak ditugu aurretik, eta lau urtekoon geletan ere hori nabari da. Olentzero eta Mari Domingiri gure eskutitza bidali diegu eta ikakatzak marrazkiak egiteko ere balio duela deskubritu dugu!

Azken aste hauetan, unibertsitateko ikasleen bisitak izan ditugu 4 urteko lagunok. haiekin tailer ezberdinak egin ditugu! Aunitz ikasi eta primeran pasatu dugu.

Baratza martxan dugu dagoeneko! 4 urteko lagunok, loreen erreboilak landatu genituen. Orain zainketa lanak burutu eta hazte prozesua behatuko dugu!

Some weeks ago we learnt and played with our “Fish and Octopus”.

Astean behin, psikomotrizitate saioa egiten dugu. Gure gorputzak mugitu, lagunekin harremanak izan eta talde lanean aritzen gara. 

We are working on “The Balloon” song. Do you want to listen to the song? Here it is!

Haur Hezkuntzako bigarren mailako ikasleok aurten ikasturte hasiera berezia izan dugu talde berriak baikara eta pixkanaka-pixkanaka elkar ezagutzen ari gara. Orain gelan lagun asko garenez, txokoetan lan egiteko dinamika gogoratzen aritu gara: arauak, antolaketa… Begira zein ongi pasatzen dugun!

Aurreko egunean, II. zabalguneko azokara joan ginen. Bertako postuak ikusi eta hamaiketakoa prestatzeko erosketak egin genituen. Ondoren parkean jolasean ibili ginen. Primeran pasa genuen.

Ikastolako Lehen Hezkuntzako ikasleek egindako lanen erakusketa ikustera joan ginen. Zer nolako artistak!

Azpilagainako konpartsa ikustera joan ginen. Erraldoiak eta joaldunen jantzia ikusteko aukera izan genuen.  Ikastolara itzuli baino lehen, parkean jolastu genuen. Oso gustura egon ginen.