Azaroko azken astean Iberon dagoen Isterria ikastetxera joan gara A gelakoak. Bertan daude aurreko ikasturteetan gure ikaskide izanko bi ikasle eta ilusio handia egin digu haiek ikustea. Gainera, jarduera sentsorial batean parte hartzeko aukera izan dugu eta oso gustora egon gara. Eskerrik asko Isterriako langile eta ikasleei egindako harreragatik!
Ostiralean Aldapako San Ferminen txupinazoa ikusten egon gara A gelako ikasleak. Goizean hamaiketakoa hartu dugu, parkean jolastu, erraldoi eta kilikiak ikusi eta txupinazoarekin bukatu dugu ateraldia. Goiz polita pasa dugu.
Ostegun eta ostiralean Mendigorriako kanpinean egon ginen Sarriguren eta Iturramako ikasleekin batera. Eguraldi bikaina izan genuen eta elkarrekin egun politak pasa genituen igerilekuan, paseoan, jolasean eta elkarrekiko harremanez disfrutatzen.
Eguneroko martxan lan eta jarduera asko ditugu eta txoko sentsoriala oso lagungarria da guretzat, lasaitzeko, erregulatzeko eta orokorrean, ongi sentitzeko.
Aste honetan fruta brotxeta prestatu dugu sukaldaritza tailerrean. Astelehenean errezeta prestatu genuen, asteartean erosketak egin genituen 6. mailako bi lagunen laguntzarekin eta azkenik, asteazkenean, 2. mailako lagunekin batera brotxeta prestatu eta hamaikakorako jan genuen. Asko disfrutatzen dugu tailerrean lagunekin eta oso goxoa zegoen!
Asteartean autonomia eguna dugu A gelan eta aurreko urteetan bezala, kalea bihurtzen dugu egun horretan ikasgela. Ikasturte honetan jarduera ezberdinak egin ditugu: NUP-en hosto bilketa, Barañaineko azokan erosketak, parkeetan jolastu, pintxoak dastatu etab. Ikasturte honetan LH6. mailako ikasleak gurekin etortzen hasi dira eta asko gustatzen zaigu haiekin egun hau partekatzea, oso aberasgarria da denontzat.
Aurreko astean 5 eta 6.mailako ikasleak Zuhatzan egon ginen kanpaldiaz gozatzen. Ekintza asko egiten genituen eta primeran pasa genuen. Eguraldia gure alde guztiz ez izan arren, ez genuen irribarrea galdu eta irlaz, lagunetaz eta ekintzetaz gozatzeko aukera paregabea izan genuen!
Ikasturtea lasai lasai eta gogotsu hasi genuen eta lehenengo hilabetea bukatzear dago, horregatik, momentutxo batzuk partekatu nahi ditugu.
Ikasturte honetan LH 1. mailako lagunak gure gelara gonbidatu ditugu sukaldaritza-tailerrean parte hartzera. Astero errezeta gozoak prestatu ditugu eta sukaldari trebeak bilakatu gara. Oso gustora egon gara zuekin, mila esker!
Sarrigureneko institutuko gela alernatiboarekin batera kanpaldian egon gara Donostin. Primeran pasa dugu!
Astelehenean Pako Aristi idazlea 6. mailako ikasgeletara etorri zen. Luxu handia izan da lehen eskutik ezagutzea ez bakarrik idazlearen lanbidea, baita liburu bat idazteko orduan behar den inspirazioari buruz gehiago jakitea ere. Gainera, galdera asko egin genizkion. Asko ikasi genuen eta primeran pasatu genuen.
Astelehenean gelako aita bat ikastolara etorri zen eta bere laguntzarekin margolaritza tailerra egin genuen. Ikasi, disfrutatu eta koadro polit hauek sortu genituen. MILA MILA ESKER!
Astelehenean gela alternatibokoek ateraldia egin genuen Iberon dagoen Isterria ikastetxea bisitatzera. Oso harrera ona egin ziguten eta gela multisentsorialean udaberriaren inguruko ipuin sentsorial bat ikusi, entzun, usaindu, dastatu eta ukitzeko aukera izan genuen. Ondoren, ikastetxeko gela ezberdinak, sukaldea, baratza, basoa, igerilekua, patioako lorategiak etab. bisitatu genituen eta asko gustatu zitzaigun. Oso egun polita pasa genuen eta oso aberasgarria izan da guretzat. ESKERRIK ASKO bertako guztioi!
Down Sindromearen Mundu Eguna ospatzeko, Down Navarra Elkarteak egindako proposamenetik abiatuta, LH5. mailako ikasleek gutun superboteretsuak idatzi dituzte bere ikaskideari adiskidetasuna adierazteko. Benetan polita eta hunkigarria izan da. Hementxe bi adibide eta argazki batzuk.
HHkoei oparitzeko jardinera berriak behin eginda, arte lana sortzea pentsatu genuen. Guztion artean sortutakoa, iraupen handiko bizia izan ohi du.
