Tailerrak gure LH 5. mailako lagunekin

Urtarrilaren 17an haur hezkuntzako ikasle guztien arteko tailerrak egiten hasi ginen. Tailerrak heterogeneok dira, hau da, adin ezberdineko haurrak elkartzen dira proposatutako esparru ezberdinetan. Zazpi astean zehar haur guztiak tailer guztietatik pasako dira. Hauetan proposamen ezberdinak eskaintzen dira: sukaldaritza, buztina, naturako elementuak dituzten mandalak, eraikuntza erraldoiak, jolasak, gatz-pasta eta gorputz adierazpena. Gure tailerretara laguntza ematera lehen hezkuntzako 5. eta 6. mailako ikasleak etortzen dira, mila esker egiten duzuen lanarengatik. Aste honetan bigarren tailerraren txanda izan da, primeran pasatu dugu!!!

HEGOKantak

Ikasturte honetan euskara lantaldeak ideia polita izan zuen: ikastalde bakoitzak euskal kanta bat aukeratu eta bideoklipa grabatzea, gero beste taldeetan ere ikusi eta euskal kulturara hurbildu eta euskararen erabilpena sustatzeko. Hurrengo irudian sakatzen baduzue ikusiko dituzue eta webguneko eskuinaldeko botoian ere izango dituzue; gozatu!

Asteko protagonista

Maiatzaren bigarren aste honetan Amets eta Ion Anderren familiak bisitan etorri zaizkigu. Iruñeko erraldoi eta buruhandien konpartsako pertsonaiei buruzko hainbat jarduera egin ditugu: ipuinak ikusi, marrazkiak eta maskarak egin, dantzatu eta jolastokian kilikiak izatera jolastu. Primeran pasatu dugu, eskerrik asko!