Ekainaren 11an, Iruñeako udaltzainak ikastolara etorri ziren .Bai gidari bezala, baita oinezkoak izanda ere, nola ibili behar dugun ikasi genuen, stop, zebra-bideak, espaloia, norabidea….oso erne ibili behar garela konturatu ginen!
Liburuaren eguna ospatzeko Pello Añorga ipuin kontalariaren bisita izan genuen. Biziki ongi pasa genuen!
Kanpaldia iritsi zen eta denak urduri eta oso pozik geunden. Lo , bazkaldu, lagunekin egun osoan egon ginen, hau poza! Baserriko animaliak ezagutu genituen, kandelen tailerra egin genuen, eta Gorkak emandako erleei buruzko azalpen interesgarriak entzun genituen.
Udaberrian Hegoalde ingurura gerturatuko diren txoriei babesleku zoragarriak prestatu eta apaindu dituzte gure Haur Hezkuntzako ikasleek LH6. mailakoekin batera.
Aurten inauterietan Joaldunez mozorrotuko gara eta geletan tailerrak antolatu ditugu. Familien laguntzaz gure mozorroa prestatzen hasi gara.
Kaixo! Beste egunean, zentzumenen inguruan ikasi genuen gure bikoteen aurkezpenekin. Gure izena keinuen hizkuntzan esaten erakutsi genien. Amaieran, Tik-tik elkarrekin dantzatu genuen.
5 urteko neska-mutilak NUPen egon gara. Ibilbidean zehar landareak, zuhaitzak,… ikusi ditugu. Unibertsitatean hamaiketakoa jan eta gero jolastu dugu! Primeran egon gara!
Aurrekoan , gure ikasle baten ama gelara etorri zen. Marta ilustratzailea da eta Iruñeko konpartsaren PHOTO CALL bat prestatu zigun. Gu nola marrazten zuen ikusten egon ginen.
Aurreko egunean Iruñeko konpartsa ikustera joan ginen. Bertan, Joseba, konpartsakideak, azalpen interesgarri asko eman zizkigun: zaldien izenak (1,2,3,4,5,6), nola garraiatu zituzten New Yorkera, noiz eta non egin zituzten…Ikasi genuen eta oso gustura egon ginen.
HH3koek Udaberriko TOTEMA sortu dugu. Artista desberdinen ibilbide eta esperientzia desberdinetatik abiatuta, gure artelanak sortu ditugu, talde kohesioa bultzatuz.
Haur Hezkuntzako hirugarren mailakoak astero igerilekura joan gara eta oso ongi pasatu dugu. Igerilekuko azkeneko saioak bereziak izan dira, waterpoloko entrenatzaile baten bisita eta igeriketa sinkronizatuko kidea gurekin izan ditugulako. Oso esperientzia politak izan dira, primeran pasa dugu uretan jolasean!
Four eyes, five noses, three mouths, six arms and seven feet… it’s the Hegomonster!
Olloko Gure Sustraiak Baserri Eskolan egon gara. Baserriko animaliekin eta naturarekin bat egin dugu eta jolasen bidez esperientzia oso polita eta aberasgarria bizi izan dugu!
Udaberriko arratsalde hauek aprobetxatuz, gure ikastolaren inguruan zein patioan dauden txorien etxolak aztertzera atera gara haur hezkuntzako hirugarren mailakoak. Ikastolaren inguruan 8 etxola eta patioan 6 daudela egiaztatu dugu. Mapan duten kokapena markatu dugu. Primeran pasa dugu.
Haur hezkuntzako geletan harrizko animaliak margotzen egon gara. Aste honetan eguzkia atera denez Haur Hezkuntzako 3. mailakoak baratzea harri horiekin apaintzera joan ginen. Marigorringoak, sugeak eta liztorrak bihurtu ziren gure baratzeko biztanle berriak. Bide batez, landatu genituen erraboiletatik ateratako loreak ureztatu genituen.
