Astelehenean, Pasai Donibanera Arrokandieta aterpera abiatu ginen, piraten artean hiru egun zoragarri pasatzera. Itsasontziz ibili gara eta kostaldeko gauza asko ikasi ditugu, joku asko egin ditugu, altxorra aurkitu dugu eta primeran pasa dugu!

Aurreko ostiralean LH2-4-6 mailetako ikasleek ingeleseko ipuin kontalari baten bisita izan zuten. Maila bakoitzera egokitutako ipuin ezberdinak entzun zituzten eta oso ongi pasa zuten.

Martxoaren 13an, ostiralean, bigarren mailako ikasleak Nafarroako Museora joan ginen. Maite Leyunen obrak ikusten izugarri gozatu genuen. Guk ere artelanak burutu genituen, gu bai artistak!

Martxoaren 6an, ostiralean, Pello Añorga idazlea gurekin egon zen bere liburu eta ipuinei buruz istorioak kontatzen. Oso gustora egon ginen!

Alegiazko istorioetatik abiatuta hainbat erronka kooperatibo osatu dugu aurten, orain heldu zaigu beste gauzetan murgiltzeko unea.

Hotza hasi baino lehen, LHko 2. mailakoak baratxuriak ereiten baratzean egon ginen. Aurrerago ,freskoak jateko erabiliko ditugu eta baratxuri buru bana etxerako.

Urriaren 22an, asteazkenean, “igelak eta zapoak” izeneko euskarazko filma ikustera joan ginen.Villavesaz joan ginen Golem zinemaraino eta filma ikusi eta gero, Yamaguchi parkean hamaiketakoa hartu eta jolastu ginen. Oso goiz polita pasa genuen!

Aurreko ostegunean,urriaren 9an,auzoko liburutegira joan ginen.Bertan oso gustora egon ginen!

Hirugarren hiruhilekoan zehar, euskara eta ingurunen, itsas animaliak eta azalpen testuak landu ditugu. Ikasi dugun guztiarekin gure itsas animalien erakusketa bikaina antolatu dugu, informazio guztia, txukun eta polit, lapbook zoragarri batzuetan laburbildurik. Familia pila bat etorri dira gure erakusketa ikustera eta denok, primeran pasatzeaz gain, asko ikasi dute.