Tipulak hazi zaizkigu eta atzo 3.mailako lagunek dastatzeko aukera izan genuen. Xabiren laguntzarekin, tipulak tenpuran jan genituen. A ze goxoak!

Hockey kirolean ikasitakoak praktikatzeko asmoz Oberenara hurbildu ginen arratsalde pasa, Oier entrenatzaileari esker une zoragarriak bizitu genituen, bi mila esker! 

Aurreko ostiralean LH2-4-6 mailetako ikasleek ingeleseko ipuin kontalari baten bisita izan zuten. Maila bakoitzera egokitutako ipuin ezberdinak entzun zituzten eta oso ongi pasa zuten.

Ihauteriak heldu baino lehen eta Pin Pon.ean ikusitakoa borobiltzeko, Jesus Larrrionen eskutik… Oberenako Pin Pon atalera hurbildu ginen disfrutatzera. 

Gaurkoan Bonifacio Ofogo idazle eta ipuin kontalariarekin egon gara. Bere herriko istorioak kontatu dizkigu eta gauza berri asko ikasi ditugu berarekin. Liluratuak gelditu gara! Mila esker eta laster arte Boni!

Atzo Haizea Loira gelara etorri zen tailer dibertigarri eta polit bat egitera: lehenengo ipuin bat kontatu zigun eta galderak botatzen zizkigun bitartean irakasleak ideiak apuntatzen zituen. Gero, gorputzarekin erritmo ezberdinak egin genituen eta gure abestirako erritmoa aukeratu genuen. Erritmoa eta gitarraren melodia prest genuenean, gure abestirako letra asmatu genuen gure aurreko ideietatik abiatuta. Azkenean, abesti ederrak sortu eta grabatu genituen. Gure hurrengo txirrinetan entzungo dituzue!!!!! Mila miloi esker Haizea!!! 

Xake tableroa berritu dugularik berriz ere heldu zaigu Xakean jolasteko garaia, eguzkipean akaso gehiegi pentsatu beharra…

Aste honetan, 4. mailako ikasleek diploma bat jaso dute ikasturtean zehar ikastolako liburutegian egindako lana eskertzeko. Urritik maiatzera bitartean, jolas-orduan, liburutegiko arduradunaren berezko lanak egin dituzte, eta liburuen maileguak eta itzulketak erregistratzeaz, ordenatzeaz eta behar bezala zaintzeaz arduratu dira. Eskerrik asko zuen konpromiso eta egindako lanagatik!

Bortziritik heldu zitzaigun Estitxu bere furgoneta ilusioz beterik. Enborra, euskarri ta arpana batetik, txalekuk eta harriak bestetik… gure ikasleek Herri Kirol mundua gertutik ezagutzeko aukera paregabea izan zuten aste hontan. Mila esker Esti eta Urkori halako goiza oparitzeagatik eta bereziki XABAT ttikiari bere arpana uzteagatik nahiz eta begi onez ez ikusi!

Aurten ere uda heldu baino lehen BBB-RCP tailerra izan dugu ikastolan. Familien eskuhartze nabariari esker erraza bihurtu da. Orain guztioi esker, gauden tokitan gaudela, seguruago izan gaitezke.

Joan den apirilaren 15ean, Lehen Hezkuntzako 4., 5. eta 6. mailako ikasleek, inguruko hainbat ikastetxetako beste ikasle batzuekin batera (Amaiur Ikastola, Iturrama BHI, Iturrama eskola eta Hezkuntza Bereziko Andrés Muñoz eskola), Musiqueando topaketan parte hartu zuten.

Gure ikasleek bi abestitan parte hartu zuten: lehenik, Dua Liparen “Levitating” abestia gorputz-perkusioarekin lagundu zuten, eta, ondoren, Zetaken “Aralarko Dama” abestia abestu eta perkusio txikiko hainbat instrumentu jo zituzten (triangelua, kaxa txinatarra, klabeak…).

Oso esperientzia polita izan da eskoletan musikan egiten dugun lana kalera eramatea eta inguruko beste zentru batzuekin agertokia partekatzea.