Gatazkak modu positiboan kudeatzeko tailerra

Gaur goizean LH 4.mailakoak “Gatazkak modu positiboan kudeatzeko” tailer bat egin dugu. Bakoitzari “gatazka” hitzak sorrarazten diguna idatzi eta zutabe batean txertatu behar izan dugu. Zutabeak hurrengoak ziren: positiboa, neutroa edo negatiboa. Hala, gure geletan dugun gatazken ikuspegia negatibo-neutro zutabean kokatu daitekeela esan dezakegu. Gainera, gaian murgiltzeko hainbat jolas kooperatibo egin eta eguneroko gatazken inguruko roll-playingean aritu gara. Gure asmoa prozesu honetan lanean jarraitzea da, lanketa handia baitugu aurretik!! Eskerrik asko Ana egindako ekintzengatik!

Tuterako Zipoteroak ezagutzen

Gaur arratsaldean geletako familiak Tuterako inauterien istorioa eta ipuina kontatzera etorri dira. Gainera, ipuina kontatu ondoren guk erabaki behar izan dugu zein zen Zipoteroaren jantzi egokiena eta horrela, guztion artean Marta zipoteroz mozorrotu dugu. Jarraian, haiek ekarritako eskulanetan aritu gara eta maskarekin hasi gara. Badoa pixkanaka gure aurtengo mozorroa… Eskerrik asko Sonia eta Marta!!! 

Palestinari buruzko hitzaldi eta tailerrak

Aste honetan 2. eta 3. zikloko ikasleen Palestinako egoera hobe ezagutzeko aukera izan dugu. Horretarako BDZ taldeko Txuri etorri da guregana. Gauza asko ikasi ditugu eta aske izan nahi duten herrien arteko elkartasuna gertuagotik ezagutu dugu. Haien modura kometa batzuk egin ditugu eta palestinar herriari mezuak idatzi dizkiogu. GORA PALESTINA ASKEA.