Erantzun
Kategoriaren artxiboa: Berriak
IRUÑEKO UDALEKO LITERATURA LEHIAKETA
Urtero bezala, Hegoalde Ikastolak iruñeko Udaleko Literatura lehiaketan parte hartu du eta, oraingoan, 7 ikaslek jaso dute saria. Zorionik beroenak zazpi ikasle hauentzat eta eskerrik asko parte hartu duten ikasle guztiei.
KALITATEZKO IKASTETXEA
Joan den astean auditoretza izan genuen eta nota onarekin gainditu dugu. Hori dela eta, Hegoalde Ikastolak kalitate zigilua lortu du eta hemendik aurrera kalitate zentro bezala aitortua izango da.
Orain zazpi urte hasi ginen Kadineteko programan. Urte hauetan ikastetxean aurrera eramaten diren jarduerak, erabiltzen diren baliabideak, prozesuak, jarraitu beharreko sistematikak eta abar egunerokoan txertatzen joan gara eta irakaslegoak hauen arabera lan egiten du.
Mila-mila esker auditoretzan parte hartu zuten irakasleoi!
Euskaraokea
Mikrofonoa eskuan eta beldurrik ez! Bikain pasatu genuen ikastolako karaokean.
KORRIKA 2026
Kaixo!!! Hona hemen bi bideo: martxoaren 20an izandako Korrika txikia eta 22ko ikastolako kilometroarena. Ere, jardueretan atera genituen argazkiak zuekin partelatzen ditugu. Gozatu!
INAUTERI EGUNA 2026
Urtero bezala, hemen ditugu Inauteri eguneko bideo eta argazki profesionalak. Mila-mila esker, Goka eta Nagore! Gozatu!
KORRIKA
Dakizuenez, Korrika Iruñetik igaroko da datorren igandean, martxoaren 22an. Ohitura denez, ikastolaren kilometroa, aurten 766a, Printzearen Harresia, IGE eta Hegoalde Ikastolaren artean partekatzen dugu. Gure tartean, Lehen Hezkuntzako 5. eta 6. mailako neska eta mutil batek eramango dute.
Bi egun lehenago, hilaren 20an, ostirala, 15:30ean, gure Korrika txikia ospatuko dugu auzoan, ondoren duzuen argazkian ikus dezakezuen ibilbideari jarraituz. Familiak gonbidatuta zaudete gurekin Korrika txikia ospatzera, baina ezin izango zarete jolastokira sartu amaitzean, dantzaldira. Primerakoa litzateke familiek silletak edo antzeko zerbait ekarri ahal izango bazenute, bozgorailuak jarri eta gure Korrika txikia girotzeko. Hemen ikus dezakezue aurreko edizioko bideoa.
Dantzaldian, 5. mailako ikasleek sortutako bertsoa abestuko dugu eta, ondoren, ikasle hauek ere asmatutako dantza egingo dugu.
Hori baino lehen, talde guztietan hainbat jarduera egingo ditugu ikastetxean: dortsalak eta pankartak prestatu, unitate didaktikoak landu, Lehen Hezkuntzako 5. mailako ikasleek prestatu duten koreografia entseatu eta sarrera nagusian jarri dugun mapa handian Korrika egunero non dagoen markatu. Argazkiak ere egingo ditugu prestatu dugun photocall-ean. Azkenik, monitore interaktibo mugikor bat jarriko dugu sarreran, egunero Korrikaz zuzenean gozatu ahal izateko. Familiei arratsaldeetan sartzera eta argazkiak taldean egitera animatzen zaituztegu.
Gure erreprodukzio zerrenda estekatzen dizuegu, etxean girotzen joan zaitezten.
Animatu parte hartzera!
KORRIKARAKO KOPLAK
Berriz ere, ikastolako talde zoragarri batek Korrikarako koplak sortu ditu. Lan ederra!
Ttipi ttapa euskara
badoa aitzina,
baina hobe korrika
joanen bagina.
Hegoaldeko ume
kuadrilla bikaina
euskaraz dantzan jarri
dezagun mingaina!
Nahiz bidean giharrak
ta hankak nekatu,
mingainak ez dezala
atsedenik hartu.
Bide hau katebegiz
sortzen baldin bada,
ni euskara naiz eta
gu euskara gara.
Aurrera tantaz tanta
egiten da eta
euskaraz izerditu
daigun kamiseta.
Ttipi, ttapa, korrika,
hankei txalo joaz,
aspalditik gatoz ta
urrutira goaz.
AURREMATRIKULA 2026/2027
ESKAERA AURKEZTEKO EPEA: martxoaren 9tik 13ra.
OHARRA: gure administraria, Maider, zuek laguntzeko prest egongo da aste horretan 09:00etatik 14:00ak arte.
Departamentuko webgune ofiziala: esteka.
INAUTERI EGUNERAKO KOPLAK
Gure eskolako hainbat familia eta ikaslek Agate Deunean abesteko kopla zoragarriak sortu dituzte, ikastolan eta auzoan abestuko ditugunak.
Jantokiko jarduerak
Hemen uzten dizkizuegu abenduan jantokian egin genuen jardueraren argazki batzuk: olio-dastatzea lehen hezkuntzako laugarren mailako ikasleekin.
BAZTERREKOEN TRUKAKETA
Azkenik, hona hemen bazterrekoen trukaketan egindako argazki guztiak. Disfrutatu!
ATE IREKIEN EGUNAK 2026/2027
Zuen seme-alabaren aurre matrikulatzeko datak hurbiltzen ari direla eta, hain garrantzitsua den erabaki honen aurrean, gure laguntza eskaini nahi dizuegu. Horregatik, Hegoalde Ikastola hurbiletik ezagutzeko egingo ditugun aurkezpen bileretarako gonbitea zabaldu nahi dizuegu. Etxean, ere, postaz informazio guztia jasoko duzue.
Bileretara etortzeko, hurrengo botoien bitartez izena eman behar duzue:
Ikastolaren eremuan bizi zaretenon etxean ere gutuna jasoko duzue.
Girotzen hasteko, gure Youtubeko kanalean argitaratutako bideoez goza dezakezue etxean: Olentzero egunak, Santa Ageda, Inauteriak, mangerada, antzezlanak, Korrika eta, jakina, izan ditzakezuen zalantzak argitzeko grabatu berri ditugun bideoak:
- Zein izan da zuen esperientzia Hegoalde Ikastolan?
- Zein da Hegoalde Ikastolako zuen txikiek gehien baloratzen dutena?
- Zer esango zenieke euskaraz ez dakiten familiei matrikulari dagokionez?
- Zein lau hitz datozkizu burura Hegoalde Ikastolari buruz?
- Zer esango zenuke patioari eta familien arteko harremanari buruz?
- Ikasle ohiek ikastolari buruz faltan botatzen dutena.
OLENTZERO EGUNEKO ARGAZKIAK
Hemen dituzue Olentzero eguneko argazki pila! Mila esker Nagore eta Idoia, gure ama argazkilariak. Karpetan ere irakaslegoak egindakok topatuko dituzue. Gozatu!