Esker mila atzo ANIZTASUNAREN AZOKARA hurbildu zineten ikasle, familia eta irakasleei! Ekimen zoragarria eta benetan polita izan zen; gure 5. mailako proiektuari amaiera borobila eman genion.

Hemen duzue gaur “Diario de Noticias” egunkarian argitaratu duten berria.

Gaur asko ikasi eta lan handia egin eta gero, 5. mailako ikasleok Aniztasunaren azoka ospatu dugu!

Kaixo, familia agurgarriak:

Lehen hezkuntzako 5. mailako ikasleak gara. Aurten NAIZEN elkartearekin elkarlanean aritu gara transexualitateari buruz ikasten. NAIZEN adingabe transexualen eta horien familien elkartea da.

Aniztasun sexualari buruz ikasten hasi ginen eta, horrekin batera, gaia gizartean barneratua eta onartua ez dagoela ikusi genuen.

Elkarteko ama bat ere gurera etorri zen eta berarekin asko ikasi eta hausnartu genuen.

Hori eta gero, elkarteko familiekin gutunak trukatu genituen haien beharrak zeintzuk ziren ezagutzeko.

Honexegatik eta gure eskuan dugun laguntzeko modua delako, azoka bat antolatuko dugu ekainaren 17an 15:00etan ikastolako patioan. Bertan guk sortutako artelanak, eskulanak eta bigarren eskuko gauzak salduko ditugu. Lortzen dugun dirua elkartera bidaliko dugu haien asmoak betetzen laguntzeko. Azoka ere guraso, ikasle eta irakasleak aniztasun sexualari buruz informatzeko elkargunea izango da.

Azokara etorri baino lehen gaia ezagutu nahi baduzue, bideo hau ikusi dezakezue.

Etortzen animatu zaitezte!

Lehen Hezkuntzako 5. mailako ikasleak.