Auzoak aukera pila ematen dizkigu eta haien artean berritu duten parke hau dugu. Goiz zoragarria pasa dugu elkarrekin jolasten.

Ikasturteari amaiera ematen joateko azken ateraldiak egiten ari gara. Gu, Peru Harrira joan gara. Bertan, Iñaki Perurenak harrera egin digu eta ekintza ezberdinak egin ditugu: eskulturak ikusi, paseotxoa eman berak egindako margoak aztertzen, jolastu, herri kirolak ezagutu… Ondoren, Leitzan bazkaldu dugu.

Hala suertatu zaigu Hegoalden, aspaldian hasi ginen Aterpeak izeneko proiektua mugitzen, kabiak sortzen baita goiz ta arratsaldeko “banda sonora” paratzen. Atzoko arratsaldean Aimar izan genuen bixitan eta bere jakinduriari esker izan genuen opari ederra, txitak jaio zaizkigu kabi batean, NON? Hoi zizalarren antzera ezin erran…

Mila esker, familiak, eskolara etortzeagatik guri ipuinak kontatzera; hori ere “maite zaitut” esateko modu bat da. 

Sukaldaritza tailer bat egiten ari gara eta pasa den astean Zabalguneko azokara joan ginen, hurrengo egunean egin behar genituen pizzen osagai batzuk erostera. Bide batez, fruta erosi genuen hamaiketakoa jateko. Zenbat kolore eta usai sentitu ditugun!

Inauterietan Txatxoz mozorratu gara eta familia batzuk mozorroa prestatzen lagundu ziguten. 

Udazkenean, irasagar asko bildu genituen gure baratzean, eta gelako amatxo batek irasagar gozoa egin du, klase guztiarekin partekatu nahi izan duena. Gainera, nola egin duten eta gaztarekin eta ogiarekin jateko ohitura azaldu zigun. Mila esker hamaiketako on hau ekartzeagatik.

NABILI GUSTORA,

SALTO ETA SALTO 

ASPERTU ARTE… 🎶

Gustora, bai, baina aspertu arte… ez genuke esango. 

2 ordu saltoka egon ginen eta txikiek oraindik energia sobera gozatzen jarraitzeko. 

Astelehenean NUPeko magisteritza ikasle batzuk etorri ziren klasera eta hainbat tailer prestatu zizkiguten ikasleekin esperimentatzeko. Mila esker!

Irailan eta urrian gelakide batzuk 4 urtetxo bete dituzte. Eskolan bihotzez egindako bizkotxo goxoak jan ditugu.