Udaberriko arratsalde hauek aprobetxatuz, gure ikastolaren inguruan zein patioan dauden txorien etxolak aztertzera atera gara haur hezkuntzako hirugarren mailakoak. Ikastolaren inguruan 8 etxola eta patioan 6 daudela egiaztatu dugu. Mapan duten kokapena markatu dugu. Primeran pasa dugu.
Azokara joan ginen eta bertan saltzen zutena ikusi eta gero hamaiketakoa erosi genuen. Bokata goxoak jan ondoren parkean jolastu genuen. Egun bikaina izan zen.
Haur hezkuntzako geletan harrizko animaliak margotzen egon gara. Aste honetan eguzkia atera denez Haur Hezkuntzako 3. mailakoak baratzea harri horiekin apaintzera joan ginen. Marigorringoak, sugeak eta liztorrak bihurtu ziren gure baratzeko biztanle berriak. Bide batez, landatu genituen erraboiletatik ateratako loreak ureztatu genituen.
Udaberria da eta hegazti migratzaileak heldu dira Arrosadiara. Hegoalde Ikastolan, mankomunitatearen eskutik honen inguruko proiektu bat landu dugu eta hitzaldi bat egongo da hurrengo astean.
Apirilak 7, 19:30etan, Arrosadiako Civivoxean
Martxoaren 26an eta 27an, Lehen Hezkuntzako hirugarren, laugarren, bostgarren eta seigarren mailako ikasleek jarduera bat egin dute jantokian. Jardueraren helburua lehen hezkuntzako gazteak elikadura ekologikoaren garrantziaz kontzientziatzea da, modu dinamiko eta interaktiboan egingo da hainbat jarduera planteatuz.
Ere, Ausolanen supermerkatuaz gozatu ahal izan dugu 10 egunez, ekintza honen helburua erosketa egitean elikagaiak aukeratzeko irizpideak ezagutzea da: osasuna, jasangarritasuna eta elkartasuna. Hau da, erosketa arduratsua egiteko jarraitu beharreko urratsak ematen ikastea:
aldez aurretik menuan pentsatu, produktuak alderatu, etiketaren informazioari erreparatu, prezioari erreparatu edota tiketa gorde errepasatzeko.
Haur hezkuntzako 1. mailako grafomotrizitate saio batean hasi zen dena. Ikusi genuen txotxongilo bat sabaitik zintzilik zegoela, otso bat zen. Nola hartu eztabaidatzen hasi ginen. “Igo aulki batera”, “ez naiz iristen”, “igo mahaira”, “eror naiteke”… Norbaitek esan zuen: “Ekarri eskailera bat”. Hori izan zen gakoa. Eskailera bat ekarri genuen, hura nolakoa zen ikusteko, bi makila luze eta txikiago batzuk zituen. Otsoa jaitsi genuen. Paperean eskailera bat denon artean egin ondoren, bakoitzak berea egin zuen, eta azkenean pasabidean zintzilikatu genituen. Oso dibertigarria izan zen.
Gaurkoan Nerea Ibarzabal izan dugu bisitan. Bere liburua irakurri ondoren hainbat hausnarketa egin ditugu eta hurrengo libururako beste hainbat ideia eman dizkiogu… erabilgarriak ote? Gainera, bakoitzak esaldi bat eginez ipuin dibertigarriak asmatu ditugu eta topaketari bukaera emateko bertsoak abestu dizkigu guk emandako hitzekin. Primeran pasa dugu!!! Eskerrik asko, Nerea!!!
Hegoalde Ikastola eta Zaporeak elkartetik, Europara iristen diren errefuxiatuei janari duina eskaintzen dien irabazi-asmorik gabeko elkartea, zuengana zuzentzen gara elkartasuna eta elkarrekiko laguntza funtsezkoak diren une honetan.
Dakizuenez, Lehen Hezkuntzako 6. mailako ikasleek errefuxiatuei buruzko proiektu handi bat lantzen dute urtero, hainbat elkarterekin koordinatuta eta, lan guztiaren ondoren, konferentzia batzuk ematen dituzte NUPeko ikasleen aurrean.
Proiektu honen ikaskuntzan murgilduta, Zaporeak-eko pertsonekin ikasteko aukera izan dugu. Proiektu hau Ikaskuntza eta Zerbitzua denez, gure ikastetxetik lagundu eta ekarpenak egin nahi ditugu, kasu honetan errefuxiatuentzako elikagaiak bilduz.
Gaur 3.mailako guraso euskaldunak gelara etorri dira Nerea Ibarzabalen Jakelinen Egunerokoa irakurtzera, hurrengo astean Nerea ipuin kontalari gisa baidator ikastolara. Liburuak horrela entzutea plazer hutsa da! Mila esker etortzeagatik familiak, oso gustora egon gara zuekin!
Iruñan aurten elurra ikusteko aukera izan ez dugunez, behintzat eskuekin elur malutak margotu ditugu. Agur negua!
Urtero bezala, 6. mailako ikasleak errefuxiatuei buruzko proiektua egiten ari dira. Oraingoan, Saharako Kabiak elkartearekin egon gara eta asko ikasi dugu.
Last week, Joe came to the school to tell us some funny stories. We really enjoy them! Come back whenever you want Joe!
Ikasturtean zehar Pello Añorgaren ipuinak entzun, marraztu eta olerkiak landu ditugu. Olerki egunaren bezperan plazer bat izan da Pello Añorgaren ahotik bere ipuin eta olerkiez gozatzea. Eskerrik asko!
