Hegoaldeko zenbait ikaslek auzoko Arrosadia liburutegian egin zen “Itxaropen izpiaren bila” ipuin-liburuaren ipuin kontaketa eta liburu aurkezpenean parte hartu zuten. LH 3. mailako zenbait ikaslek Ana Jaka idazlearekin batera, Nafarroako beste 19 ikastetxerekin elkarlanean idatziriko ipuina aurkeztu zuten. Gainera, bertaratu zirenek Izaskun Mujika ipuin kontalariaren eskutik ipuin idatziaren antzezpenaz gozatzeko aukera izan zuten. Zorionak proiektuan parte hartu duten Lehen Hezkuntzako ikasle guztiei. “Ipuina eskuz esku Giza Eskubideak” proiektua Nafarroako Gobernuko Bizikidetzaren eta Giza Eskubideen Zerbitzuak koordinatzen duen ekimena da.
