Lehen hezkuntzako 1.mailako ikasleak material erreziklatuarekin hainbat ekosistema egin ditugu, basoa, itsasoa…. Birziklatzearen garrantziaz jabetu gara eta oso ongi pasa dugu.

Gorputza eta ohitura osasungarrien gaiei amaiera emateko Ireber etorri da gelara nutrizio tailer polit bat egitera eta bere azalpenekin asko ikasteaz gain, ikasitakoa praktikan ere jarri dugu. Eskerrik asko Ireber!

Gau Beltzaren gaian oinarritutako altxorraren bila egin dute gure LH 1. mailako ikasleak. Talde lanean primeran pasatzeaz gain, altxorra aurkitzea lortu dute. Zorionak eta on egin!

1. mailakoak Nafarroako museoan egon gara Maite Leyunen artelanaz gozatzen.

Ostegunean, Atarrabiako parkea ezagutzera joan ginen. Bertan dauden animaliak eta landareak ezagutu genituen. Azkenik, belardian gosariak jan eta parkean jolasteko aukera izan genuen. Oso ondo pasa genuen eta animalia eta landare pila ezagutu genituen.

Asteazkenean Alaineren gurasoak etorri ziren Gorputz Hezkuntzako saio bat ematera. Bertan, txoko desberdinak sortu zituzten eta guztiak probatu genituen. Oso ondo pasatu genuen, mila esker gurekin ratotxo hauek partekatzeagatik.

Asteartean, Leitzara joan ginen Peru Harri museoa bisitatzera. Bertan, Iñaki Perurenarekin, garai bateko jolasak ezagutzen eta bertako eskulturak ikusten egon ginen. Gero, Leitzako plazara joan ginen, bazkaldu eta arratsaldea pasatzera.

Apirilaren 14an, Josemi Jaunarena musikariari esker (Xabier eta Mikelen aita), Lehen Hezkuntzako 1. mailakoek  mundu osoan zehar bidaiatu zuten berak ekarritako musika tresna desberdinen bidez: Euskal Herriko alboka, Irlandako bodhran, Hego Amerikako zampoña, Ipar Amerikako washboard, Australiako didgeridoo… eta askoz gehiago! Hauek probatzen utzi zigun eta gutxi balitz, bakoitzari  berak sortutako “Mundu bira musikala” liburuxka oparitu zigun. Bertan, berarekin ikusitako musika tresnen informazioa eta margotzeko irudiak agertzen dira. Mila esker Josemi!

Here are some pictures of the stations we have carried out in 1st grade thanks to the help of some volunteering families. It helped the children revise the content we have been working on in a fun way. Thank you Maria and helpers for the hard work!