4. eta 5. mailako ikasleek asteartean, hilak 16, antolatutako liburu-azoka oso arrakastatsua izan zen. Bertan bildutako ikasle, irakasle eta familiek liburuak euro batean erosteko aukera izan genuen, eta baita saltzaile gazteen trebetasunez gozatzeko aukera ere. Orain, lortutako diruarekin, gehien gustatzen zaizkien liburuak erostea baino ez zaie geratzen. Zorionak!
Atzo Haizea Loira gelara etorri zen tailer dibertigarri eta polit bat egitera: lehenengo ipuin bat kontatu zigun eta galderak botatzen zizkigun bitartean irakasleak ideiak apuntatzen zituen. Gero, gorputzarekin erritmo ezberdinak egin genituen eta gure abestirako erritmoa aukeratu genuen. Erritmoa eta gitarraren melodia prest genuenean, gure abestirako letra asmatu genuen gure aurreko ideietatik abiatuta. Azkenean, abesti ederrak sortu eta grabatu genituen. Gure hurrengo txirrinetan entzungo dituzue!!!!! Mila miloi esker Haizea!!!
Xake tableroa berritu dugularik berriz ere heldu zaigu Xakean jolasteko garaia, eguzkipean akaso gehiegi pentsatu beharra…
Aste honetan, 4. mailako ikasleek diploma bat jaso dute ikasturtean zehar ikastolako liburutegian egindako lana eskertzeko. Urritik maiatzera bitartean, jolas-orduan, liburutegiko arduradunaren berezko lanak egin dituzte, eta liburuen maileguak eta itzulketak erregistratzeaz, ordenatzeaz eta behar bezala zaintzeaz arduratu dira. Eskerrik asko zuen konpromiso eta egindako lanagatik!
Bi egun hauetan Xabi eta Carlosekin sukaldaritza tailerretan gozatu dugu. Mila esker!
Bortziritik heldu zitzaigun Estitxu bere furgoneta ilusioz beterik. Enborra, euskarri ta arpana batetik, txalekuk eta harriak bestetik… gure ikasleek Herri Kirol mundua gertutik ezagutzeko aukera paregabea izan zuten aste hontan. Mila esker Esti eta Urkori halako goiza oparitzeagatik eta bereziki XABAT ttikiari bere arpana uzteagatik nahiz eta begi onez ez ikusi!
Aurten ere uda heldu baino lehen BBB-RCP tailerra izan dugu ikastolan. Familien eskuhartze nabariari esker erraza bihurtu da. Orain guztioi esker, gauden tokitan gaudela, seguruago izan gaitezke.
Joan den apirilaren 15ean, Lehen Hezkuntzako 4., 5. eta 6. mailako ikasleek, inguruko hainbat ikastetxetako beste ikasle batzuekin batera (Amaiur Ikastola, Iturrama BHI, Iturrama eskola eta Hezkuntza Bereziko Andrés Muñoz eskola), Musiqueando topaketan parte hartu zuten.
Gure ikasleek bi abestitan parte hartu zuten: lehenik, Dua Liparen “Levitating” abestia gorputz-perkusioarekin lagundu zuten, eta, ondoren, Zetaken “Aralarko Dama” abestia abestu eta perkusio txikiko hainbat instrumentu jo zituzten (triangelua, kaxa txinatarra, klabeak…).
Oso esperientzia polita izan da eskoletan musikan egiten dugun lana kalera eramatea eta inguruko beste zentru batzuekin agertokia partekatzea.
Lehen Hezkuntzako 3., 4., 5. eta 6. mailako ikasleek ikastolako agenda euskararekin edertzeko esaldi, abesti eta bertsoak aukeratu eta zerrendatu dituzte. Hurrengo ikasturtean gure agendan izango ditugu!
Bestetik, gaurko korreoan irakurri duzuen Euskaraldia txokoa prestatu berri dugu. Ostegunean hasita eta Euskaraldiak irauten duen bitartean, 16:30etik aurrera familian argazkiak egin ahal izango dituzue, gero gurekin partekatzeko. Hona hemen irakasleon bi adibide:
Azkenik, anima zaitezte datorren asteko hitzaldietan parte hartzen. Hemen duzue izena emateko esteka.
Familiek izandako erantzunari esker, posible izan da patinen gaineko esperientzia… Aunitz esker guztioi!
Martxoaren 26an eta 27an, Lehen Hezkuntzako hirugarren, laugarren, bostgarren eta seigarren mailako ikasleek jarduera bat egin dute jantokian. Jardueraren helburua lehen hezkuntzako gazteak elikadura ekologikoaren garrantziaz kontzientziatzea da, modu dinamiko eta interaktiboan egingo da hainbat jarduera planteatuz.
Ere, Ausolanen supermerkatuaz gozatu ahal izan dugu 10 egunez, ekintza honen helburua erosketa egitean elikagaiak aukeratzeko irizpideak ezagutzea da: osasuna, jasangarritasuna eta elkartasuna. Hau da, erosketa arduratsua egiteko jarraitu beharreko urratsak ematen ikastea:
aldez aurretik menuan pentsatu, produktuak alderatu, etiketaren informazioari erreparatu, prezioari erreparatu edota tiketa gorde errepasatzeko.
Last week, Joe came to the school to tell us some funny stories. We really enjoy them! Come back whenever you want Joe!
Beste eskolatako ikasleekin batera, apirilaren 3an gure 4., 5. eta 6. mailako ikasleek kontzertuak emango dituzte kalean; ez galdu aukera!
Ikastolan 2.zikloko ikasleek gure Pin-Pon mahaiak alaitu eta gero, 4.mailakook Jesus Larrioni esker, Oberenako Mahai-teniseko atala ezagutzeko aukera izan genuen.
