Aurten, azken urteetan bezala, Hizkuntzen Europako Eguna landu eta ospatu dugu. Txikiek, Haur Hezkuntzakoek, atzo eta gaur hizkuntza minorizatuetan mikrofonotik mezuak esan dituzte eta handiek, Lehen Hezkuntzakoek, hizkuntza horietan ere, hostoetan balioak idatzi dituzte. Oso jarduera polita izan da eta gure sarrera nagusian ikusgai duzue!
Aurten, Lehen Hezkuntzako 6. mailako ikasleak ikasturteko azken egunean kanpaldian daudenez, gure urteroko mangerada mundiala ekainaren 16an egin dugu. Eguraldia lagun, egun izugarri polita eta dibertigarria izan dugu!
Hemen duzue aurtengo Inauteri eguneko bideo profesionala; disfrutatu! Mila esker, Gorka!
Maiatzaren 17a LGTBIQA+ fobiaren aurkako Nazioarteko Eguna izan zela aprobetxatuz, gaur egun beharrezkoak diren balioak lantzen aritu gara aste osoan zehar, hala nola enpatia edo errespetua; balio horiek ezinbestekoak dira ikasleak etorkizunean pertsona gisa trebatzeko. Horretarako, ikastolan jarduera ugari egin ditugu, esaterako, bikoteekin jarduerak, pertsona eta kolektibo ezberdinek pairatzen duten egoera salatzeko ormairudia, hitzaldi informatiboak, etab. Luxu handia izan da euren bizipenak kontatu dizkiguten gonbidatuak izatea, baina batez ere ikustea ikasleek zer-nolako inplikazioa eta gogo bizia erakutsi duten proposamen bakoitzean.
Aurten, urtero bezala, liburuaren eguna ikastolan ospatu dugu. Dakizuenez, aurtengo gaia komikia izan da eta horren inguruan antolatu ditugu jarduera guztiak. Mila esker, bihotz-bihotzez, eguna prestatu eta bertan parte hartu duzuen guztioi! Egun zoragarria izan da.
Hona hemen aurtengo Inauteri eguneko argazkiak eta bideo batzuk. Bertan irakasleek egindakoak eta baita gure ikastolako argazkilari profesionala eta amak, Nagore, egin dituenak. Mila esker! Gozatu!
Asteazkenean martxoaren 8a ospatu dugu, baina oraingoan modu berezian egin dugu; izan ere, ikasle guztiek, irakasleekin eta ikastolako gainerako langileekin batera, lip-dub bat egin dute emakumearen nazioarteko eguna ospatzeko. Bideoa grabatu ondoren, ikastola osoa ikusi dugu elkarrekin… eta primeran geratu da!
Ohitura denez, aurten ere Agate Deuna egunean auzoko toki ezberdinetara atera gara, bikoteekin, gure kopla maiteenak abestera. Egun zoragarria! Hona hemen hainbat argazki:
Hemen duzue Olentzero egunean gure ikastolako aitak, Gorka, grabatu zuen bideo profesionala. Gozatu!
Hona hemen Olentzero egunean egin genituen argazki eta bideo guztiak. Disfrutatu!
Urtero bezala, ikasleek bazterrekoak bikoteekin trukatu dituzte. Zein polita izan den, elkarrekin egoteko beste momentu zoragarri bat.
2 astez ikastolan euskaraldia ospatu dugu. Horretarako hainbat jarduera aurrera eraman ditugu: ahobizi-belarriprest lagunen geletan, asmakizunak bikoteen geletan, hormairudian gure aurpegiak bikoteekin itsatsi… Primeran pasa dugu! Euskaraldia amaitu da baina guk euskaraz jarraituko dugu.
Hitz eta pitz euskaraz gabiltza!!
Hitzez ekiteko garaia!
Ikastolan ohitura den bezala, aurten ere Emakumeenganako Indarkeriaren Aurkako Eguna dela eta, zenbait jarduera aurrera eraman ditugu gelan ikasleek kontzientzia hartzeko. Errebindikazio eguna modu ikusgarrian amaitzeko, ikastolaren argazki panoramiko bat atera dugu, non ikasle guztiek elkarri eskua forma ematen dioten. Modu honetan, modu sinbolikoan amaitu dugu efemeridea; denok tratu onen alde gaudela erakusten duen argazki batekin. Hemen duzue gure elkarlanaren emaitza.
Aurten Hizkuntzen Europako Eguna berriz ospatu dugu. Haur Hezkuntzan ezagunak ditugun objektuak beste hizkuntzen nola esaten diren idatzi dute eta, Lehen Hezkuntzan, esaldi eta hitz goxoak Europan hitz egiten diren beste hizkuntzetan nola esaten diren idatzi dituzte. Landutako guztiarekin sarrera nagusia apaindu dugu.
Bi urteko geldiunea eta gero… hona hemen Hegoalde Ikastolako III. Hegolinpiadak. Zein egun ederra izan dugun!
