Webgune honetako IKASTETXEA > DOKUMENTUAK > 2024/2025 IKASTURTERAKO DOKUMENTUAK atala berritu dugu. Bertan, ikasturteko egutegia, Lehen Hezkuntzan erosi beharreko testu-liburuak eta beste informazio garrantzitsu batzuk topatuko dituzue.
Bestetik, jakin ezazue uztailaren 1ean posta elektronikoz dokumentu horiek eta taldekatze berrien zerrendak jasoko dituzuela.
Uda zoragarrian izan dezazuela.
Urtero bezala, 6. mailako ikasleek haien aztarna utzi dute ikastolan. Lan zoragarria, lagunak!
Ikasturteari bukaera emateko, 2. mailakoak ukendua egiten egon gara. Gure baratzeko kalendula petaloak, oliba olioa eta argizaria erabili ditugu.
Hona hemen aurtengo Inauteri eguneko bideo profesionala. Mila esker, Gorka!
Hona hemen aurtengo mangerada (eta aparraren festa) eguneko argazkiak. Gozatu!
Ikasturte polit honi amaiera polita ere ematearren Donostiako Eureka Zientzia Museora joan gara eta asko ikasi zein gozatu dugu. Gero, errekara bazkaltzera eta bainatzera joan gara ere!!! Uda zoragarria pasako dugulakoan…
Gaur, aurtengo Iruñeko Udaleko Haur Literatur Lehiaketan saridunak izan diren Hegoalde Ikastolako sei ikasleek Kondestable Jauregian haien sariak jaso dituzte (batek ezin izan du). Zorionak, lagunak, lan ederra egin duzue!
Gaur Bilbora joan gara Guggenheim museoan pop art erakusketa aztertu, gure artelan propioak sortu, bazkaldu eta ongi pasatzeko. Egun bikaina!
Duela bi urte egin genuen bezala, 6. mailako ikasleak Sendavivara joan gara. Primeran pasa dugu animalia desberdinak ikusten, atrakzio ezberdinetan ibiltzen eta, nola ez, txorroetan jolasten. Zein egun polita eta dibertigarria!
1. eta 2. zikloko taldeek Plaza de la Cruz institututik gonbita jaso dugu bertako ikasleek prestatutako antzerki bat ikusteko. Asko disfrutatu dugu. Mila esker, artistak!
Datorren ikasturterako matrikula egiteko epea ekainaren 17tik 21era da, hemen bertan, ikastolan, 09:00etatik 14:00ak arte. Informazioa posta elektronikoz bidali genizuen, baina dena dela, edozein inprimaki behar izatekotan, hemen emango dizuegu.
Zuen zain izango gaituzue!
Hona hemen maiatzaren 30ean Haur Hezkuntzako ikasleek prestatutako jaialdi zoragarria. Gozatu!
Ostiralean, LH2koek Palestinari buruzko hitzaldi bat entzuteko aukera izan genuen. Horren bukaeran bertako olibak eta datilak dastatu genituen eta palestindarrei zuzendutako mezu batzuk idatzi genituen.
Iazko Lh6.k utzitako opariari esker une politak bizi ditugu aurten. Xake nahiz dametan estratega onak ditugu gure artean.
