Gaurkoan Nerea Ibarzabal izan dugu bisitan. Bere liburua irakurri ondoren hainbat hausnarketa egin ditugu eta hurrengo libururako beste hainbat ideia eman dizkiogu… erabilgarriak ote? Gainera, bakoitzak esaldi bat eginez ipuin dibertigarriak asmatu ditugu eta topaketari bukaera emateko bertsoak abestu dizkigu guk emandako hitzekin. Primeran pasa dugu!!! Eskerrik asko, Nerea!!!

Gaur 3.mailako guraso euskaldunak gelara etorri dira Nerea Ibarzabalen Jakelinen Egunerokoa irakurtzera, hurrengo astean Nerea ipuin kontalari gisa baidator ikastolara. Liburuak horrela entzutea plazer hutsa da! Mila esker etortzeagatik familiak, oso gustora egon gara zuekin!

Urtero bezala, 6. mailako ikasleak errefuxiatuei buruzko proiektua egiten ari dira. Oraingoan, Saharako Kabiak elkartearekin egon gara eta asko ikasi dugu.

Last week, Joe came to the school to tell us some funny stories. We really enjoy them! Come back whenever you want Joe! 

Ikasturtean zehar Pello Añorgaren ipuinak entzun, marraztu eta olerkiak landu ditugu. Olerki egunaren bezperan plazer bat izan da Pello Añorgaren ahotik bere ipuin eta olerkiez gozatzea. Eskerrik asko!

Komiki gaiarekin hasteko Cesarren bisita izan genuen eta komikien inguruan asko ikasi genuen berarekin. Eskerrik asko gure gelara etortzeagatik.

Beste eskolatako ikasleekin batera, apirilaren 3an gure 4., 5. eta 6. mailako ikasleek kontzertuak emango dituzte kalean; ez galdu aukera!

5. eta 6. mailako ikasleak hegazti migratzaileak “sorbeltzak eta enarak” erdigune duen proiektu batekin ari dira eta gaurkoan Ryan biologoaren bisita jaso dute ondoren auzoan komunikazio lan bat aurrera eraman ahal izateko.

Beste behin heldu zaigu kimatzeko garaia, Aintzane eta Amaiaren laguntzari esker “kasi profesional” bihurtu gara hortan. Aunitz esker bikote! Udaleko Kimatze atalekoak ere ibili ziren ondoren lan handitan.

Idoia eta Juani esker ostegun arratsaldean gozatu ederra hartu genuen Bolei kirolaren inguruan, gozada hutsa izan da zuekin kontatzea, AUNITZ ESKER BIKOTE.