Aurreko ostiralean 5. mailako ikasleak familiak gonbidatu zituzten gazte ikasgaian burutatko proiektua ezagutzera. Aukera izan zuten Europako hiri ezberdinak ezagutzeko, gure ikasleen bidai agentzien eskutik. Oso arrakastatsua izan zen, guraso asko etorri ziren eta oso gustora egon ginen. Errepikatuko dugu!
Paretan gora abiatu gara bai baina segurtasun neurriak ondo ikasiak. Materialak ezagutu, korapiloak egin, jolastu, eskalatu eta guztiaren gainetik gure haitzormarekin gozamen ederra hartu dugu.
Atzo Kai Etxaniz etorri zen gurekin egotera! Ze zortea gurea halako artista bat ezagutzea eta aukera izatea berarekin partekatzeko tartetxo bat!Euskaran lantzen ari garen proiektuaren harira, Kaik bere esperientzia kontatu zigun eta oso gustora egon ginen berarekin hizketan.
Aste honetan 5.mailako ikasleek Belatz ilustratzaile eta komikilariaren bisita izan dute. Plastikan komikia lantzen hasiko dira eta bisita hau ezin hobea izan da teknikak ikasteko eta Belatz bezalako artista batengandik gauza asko ikasteko! Asko gustatu zaigu!
Urtarrilaren 17an haur hezkuntzako ikasle guztien arteko tailerrak egiten hasi ginen. Tailerrak heterogeneok dira, hau da, adin ezberdineko haurrak elkartzen dira proposatutako esparru ezberdinetan. Zazpi astean zehar haur guztiak tailer guztietatik pasako dira. Hauetan proposamen ezberdinak eskaintzen dira: sukaldaritza, buztina, naturako elementuak dituzten mandalak, eraikuntza erraldoiak, jolasak, gatz-pasta eta gorputz adierazpena. Gure tailerretara laguntza ematera lehen hezkuntzako 5. eta 6. mailako ikasleak etortzen dira, mila esker egiten duzuen lanarengatik. Aste honetan bigarren tailerraren txanda izan da, primeran pasatu dugu!!!
Unescok hala izendatu zuen kirol alternatibo hau. Oztopatu ezin, jokaldia moztu ezin… dena egin zitzaigun arraro hasieran, baina emaitza zoragarria izan da. Urteetan ezinezkoa izan zaiguna lortu dugu… markagailua? Idearik ez, zeinek behar du?.
1.go eta 5. mailakoak elkartu gara irakurketa partekatua egiteko. Ikastolako zonalde handia hartu dugu elkarri ez entzuteko eta oso gustora egon gara. Ea zein den antolatzen dugun hurrengo ekintza!
Aste honetan 2. eta 3. zikloko ikasleen Palestinako egoera hobe ezagutzeko aukera izan dugu. Horretarako BDZ taldeko Txuri etorri da guregana. Gauza asko ikasi ditugu eta aske izan nahi duten herrien arteko elkartasuna gertuagotik ezagutu dugu. Haien modura kometa batzuk egin ditugu eta palestinar herriari mezuak idatzi dizkiogu. GORA PALESTINA ASKEA.
Beste edozein aitzaki bezala, azken asteetan lasterka abiatzeko, hauxe izan da geurea. Mapak, balizak, iparorratzen erabilera abiapuntu, talde-lana xede izanik… primeran pasa dugu.
Osiralean 3.zikloko ikasleak Condestable jauregira joan ginen. Bertan “Ipuingarria izango da” ekintzan parte hartu genuen eta primeran pasa genuen. Alde batetik Joxe Mari Karrere ipuin kontalariak ipuin batzuk kontatu zizkigun eta gero Amaia Karrere ilustratzaileak marrazki batzuk egin zizkigun. Horretaz aparte, erakutsi zigun nola egin marrazki batzuk eta asko ikasi genuen! Hamaiketakoa Santa Ana plazan jan genuen ikastolara abiatu aurretik! Primeran pasa genuen!
Urriko hilabetea hasteko modu ezin hobea izan dugu! 5. mailako ikasleok hiru egun pasa ditugu Narbarte izeneko herri batean eta ekintza asko eta zoragarriak egin ditugu handik: rafting, tirolina, arroilak, rapelak, abentura parkea … Eguraldia, gainera, primerakoa izan da eta, eskerrak! Animatzen zaituztegu, gu bezala, horrelako ekintzak egitera! Oso dibertigarria izan da.
Gaur, aurreko urtean 3. zikloan landatutako piparrak jaso eta sukaldatu ditugu. Oso gustora egon gara baino bazirudien batzuei sua ateratzen zitzaiela ahotik. Horretaz aparte, errezeta berriak ikasi ditugu, pipar batzuk tenpuran egin baititugu. Mila esker Xabi masterchef!
Gaur 5. mailako talde batek aurten ingurunen landu ditugun historia-gaietan ikasitakoa bikoteei aurkeztu diete, laguntzeko sortutako horma-irudi handi batekin. Beste taldeak ere egin du, baina ez dugu astirik izan bikoteei azaltzeko. Lan bikaina egin duzue, lagunak!
5. mailan ingurune arloan landu ditugun azken bi gaietan, Erdi Aroa eta Aro Modernoa, ez soilik historian egondako gertakaririk nabarmenenak, ere, emakumeak nola bizi izan diren eta zeintzuk egin zituzten ekarpen garrantzitsuak aztertu ditugu. Hona hemen sortu ditugun bi horma-irudiak.
Ikasturte honetan euskara lantaldeak ideia polita izan zuen: ikastalde bakoitzak euskal kanta bat aukeratu eta bideoklipa grabatzea, gero beste taldeetan ere ikusi eta euskal kulturara hurbildu eta euskararen erabilpena sustatzeko. Hurrengo irudian sakatzen baduzue ikusiko dituzue eta webguneko eskuinaldeko botoian ere izango dituzue; gozatu!
