Natur Zientzietan materiaren gaiarekin hasi gara eta masa, bolumena eta dentsitatea ikasten ari gara. Gelan landutakoa modu praktiko batean barneratzeko, esperimentuak burutu ditugu.

Kirol alternatiboen mundu zabalean… oraingoan COLPBOL.

Gaztelanian ESTEREOTIPOEN proiektua landu dugu eta honi amaiera emateko, 4. mailako lagunen aurrean talde txkietan prestatu eta entsaiatu ditugun antzerkiak egin ditugu. Bai guk bai eta 4. mailakoek ere izugarri ikasi dugu; jarduera bikaina!

Atzo eta gaur 5. eta 6. mailakook Rokopolisen izan gara eta primeran pasatu dugu pareta gora, pareta behera. Rapela egiten ere ikasi dugu. Hurrengoan Pirinioetan edo… auskalo non!

Gaur 5. mailan zatikien txartel-puzzle jolas batekin aritu gara; birpasatzeko modu dibertigarria!

Oraingo honetan 5.Bko ikasleek irrati saio bat prestatu dute! Lan handia egin dute hau aurrera eramateko! Entzun irrati saioa eta gozatu! Gogoratu, irratsaioa entzun ahal izateko, klik egin eskuinaldeko barran dagoen HegoIRRATIA irudian edo sartu esteka honetan.

Share, Pala, Esku pilota ta Erremonte izan genituen geure artean 3.zikloan. Batzuk sobera ezagunak, besteak ez hainbeste… euskal kulturarekin zuzenean lotuta den esperientzia.

Gaur, lantzen ari garen proiektuan sakontzeko, NAIZEN elkarteko kide den ama bat etorri da gurekin gelan egotera. Berak bizi izandako esperientziak kontatu dizkigu eta dinamika polit bat burutu dugu. Hunkigarria eta baliagarria izan da; izan ere, ez dago egoera hau bizi izan duen pertsona batengandik ikastea bezain aberatsa den ezer.

Gaur 5. mailako bi taldeak anfiteatroan elkartu gara natur Zientzietan egin ditugun ekosistema ezberdinei buruzko proiektuak talde txikitan aurkezteko. Esperientzia polita eta erabilgarria izan da eta ikasleek lan eta esfortzu handia egin dute.

Gaur Belatz komikigilea 5. mailakoekin egotera etorri da. Komikien ezaugarri orokorrak eta burutzeko trikimailuak erakutsi dizkigu. A ze nolako artista, mundiala! Izugarri gustatu zaigu.