Aurreko ostiralean LH2-4-6 mailetako ikasleek ingeleseko ipuin kontalari baten bisita izan zuten. Maila bakoitzera egokitutako ipuin ezberdinak entzun zituzten eta oso ongi pasa zuten.

Aste honetan, 6.mailakoek bisita paregabea izan dugu. Gurekin “ el loco de las botellas”
(edo “el loco del desierto”) ezizena duen Tateh Lehbib Breica ingeniari saharauia
gurekin izan da. Bere herrikideen bizi-baldintzak hobetzeko asmoz, plastikozko
botilekin etxeak eraikitzeko ideia berritzailea garatu du Tindufeko (Aljeria)
errefuxiatu-eremuetan. Hegoalden irakaslea izandako Iosu Jimenez ere gurekin izan zen. Honek Sahararen errealitate gordina ezagutzeko aukera aparta eskini zigun. Mila esker bioi.
Sahara askea!

“Mila alkandora eguneko” ipuina kontatu digu Garazik, M8 egunaren historia eta emakume langileon borrokaren sorrera ezagutzeko. Benetan interesgarria! 

Azken urte hauetan tiroi izugarria izan du eskaladak, naturan egindako ekintzak, abentura eta arrisku handikoak izanik ere, badute bere funtsean segurtasunari dagozkion eskaladako hainbat kontzeptu. Nafarroan eskaladak badu tradizio eta ibilbide luzea, Hegoalden tradizio honi eta segurtasun arloa jorratzeko beharrari helduz, ilusio handiz heldu diogu gure Boulder txikiari.

Jolas alternatibo-kooperatiboetan tranpolin eta baloi baten eskutik… TCHOUKBALL

Beste edozein aitzaki bezala, hiruhilekoaren hasieran lasterka abiatzeko, hauxe izan da geurea. Mapak, balizak, iparorratzaren erabilera abiapuntu, talde-lana xede izanik… primeran pasa dugu.

Azaroaren hasieran eta Herri Kirol Federazoaren eskutik gozatu ederra hartu genuen ez ohiko modalitate ugari probatzen. Aunitz esker!

Urtero bezala, Hegoalde Ikastolak ekimen zoragarri honetan parte hartu du, 5. eta 6. mailako ikasleek eskutik. Hemen duzue prentsako oharra:

Beste behin, eguraldia lagun izan dugunean, Beisbol munduan murgildu gara zertxobait. Batea, pilota, eskularruak, erabakiak azkar hartu beharra eta dena denbora gutxian… ileak tente jarri zaizkigu!

Aurten ere uda heldu baino lehen BBB-RCP tailerra izan dugu ikastolan. Familien eskuhartze nabariari esker erraza bihurtu da. Orain guztioi esker, gauden tokitan gaudela, seguruago izan gaitezke.

Aurreko ostiralean 6.mailako ikasleak eta irakasleak Guggenheim museora joan ginen. Oso ateraldi polita izan zen. Alde batetik Bilboko zonalde hori ezagutzeko aukera izan genuen eta baita ere museora sartu ginen. Bertan, gida bat izan genuen eta museoko txoko ezberdinak erakutsi zizkigun. Gehiago ikusteko gogoz gelditu ginen… beraz, bueltatu beharko gara beste batean!

Joan den apirilaren 15ean, Lehen Hezkuntzako 4., 5. eta 6. mailako ikasleek, inguruko hainbat ikastetxetako beste ikasle batzuekin batera (Amaiur Ikastola, Iturrama BHI, Iturrama eskola eta Hezkuntza Bereziko Andrés Muñoz eskola), Musiqueando topaketan parte hartu zuten.

Gure ikasleek bi abestitan parte hartu zuten: lehenik, Dua Liparen “Levitating” abestia gorputz-perkusioarekin lagundu zuten, eta, ondoren, Zetaken “Aralarko Dama” abestia abestu eta perkusio txikiko hainbat instrumentu jo zituzten (triangelua, kaxa txinatarra, klabeak…).

Oso esperientzia polita izan da eskoletan musikan egiten dugun lana kalera eramatea eta inguruko beste zentru batzuekin agertokia partekatzea.

Atzo Ezkaba mendira igo ginen, bertako biodibertsitatea eta gizakiaren eragina zein izan den ikasten egon ginen. Ekintza ezberdinak burutu genituen eta Iruñean dugun mendi polit honen informazioa jaso genuen. Oso gustora egon ginen!