Gaur San Franziskoko liburutegira joan gara “Ipuina eskuz esku” ekitaldian parte hartzera. Bertan liburuari hasiera eman zion idazlea, Ana Jaka, gurekin egon da eta liburuaren atal batzuen irakurketa egin dugu. Baita ere Anari galderak egiteko aukera izan dugu eta berak gurekin partekatu ditu bere idazle anekdotak eta bizipenak. Gainera gero elkarrizketa bat egin digute! Oso gustora egon gara!
Fourth grade students made a group project about Hegoalde Ikastola. After searching for information and writing the project, they made an oral presentation.
Olentzero badator! Aurten ere, urtero bezala, Hegoalden Olentzero jaia ospatuko dugu. Ilusio handiz espero dugu!
| 9:15 – 9:45 | Olentzerori ongi etorria anfiteatroan |
| 9:45 – 10:30 | Olentzero HH, LH1 eta LH2ko ikasleekin |
| 10:30 – 11:00 | Olentzero LH3 eta LH4ko ikasleekin |
| 11:00 – 11:30 | Gaztainak eta jostaldia |
| 11:30 | Kalejira |
| 12:15 | Sua eta dantza |
| 12:50 | Geletan agurtu |
Jakinarazten dizuegu abenduaren 10ean, asteartea, 17:30ean, Giza Eskubideen aldeko Ipuin Kateari dagokion antzezpen eta jarduera bat egingo dela, Nafarroako Lehen Hezkuntzako ikastetxeetako neska eta mutilen laguntzarekin. Jarduera euskaraz izango da, eta 6 urtetik gorako haurrek eta helduek parte har dezakete. Anima zaitezte eta eman izena liburutegian (biblimil@navarra.es; 948 24 54 60 edo web inprimakia), izena, telefonoa, e-maila eta adina adieraziz (adingabeen kasuan). Informazio gehiago gure webgunean.
Seigarren mailakoak elikadura osasungarriari buruz egin dugun proiektua gure bikoteei azaldu diegu. Elikagaien piramidea zertan datzan ikusi dugu, horrekin dieta osasungarrirako gomendioak egin ditugu eta, azkenik, elikagai batzuen azukre kantitatea zein den aztertu dugu. Bigarren mailan, gainera, honen inguruko zerbait ikasi dute eta oso interesgarria izan da haiekin partekatzea.
Asteartean autonomia eguna dugu A gelan eta aurreko urteetan bezala, kalea bihurtzen dugu egun horretan ikasgela. Ikasturte honetan jarduera ezberdinak egin ditugu: NUP-en hosto bilketa, Barañaineko azokan erosketak, parkeetan jolastu, pintxoak dastatu etab. Ikasturte honetan LH6. mailako ikasleak gurekin etortzen hasi dira eta asko gustatzen zaigu haiekin egun hau partekatzea, oso aberasgarria da denontzat.
Zeinen gustora gauden beti gure bikoteekin!! Oraingoan oroigarri txiki bat elkarrekin apaindu eta bakoitzak berea gordeko du betirako.
Atzo 1. mailako ikasleak Nafar museora joan ziren. Taller polit bat egin genuen “Ilargia uretan” izenekoa. Gero alde zaharretik ibili ginen.
Gaurkoan 5. mailako ikasleak ipuin kontalari bikainak bihurtu dira eta 1. mailako ikasleek arreta handiz entzun eta ikaragarri gozatu dute.
2. mailakoak Iruñeko txoko ezberdinak bisitatzen egon gara. Azokan, elikagai osasuntsuak eta kontserbatzeko modu ezberdinak ikusi ditugu. Ondoren, harresietatik barna Iruñeko historia pixka bat ikasi dugu eta amaitzeko Nafarroako museoan Ilargia uretan tailerrean parte hartu dugu. Gainera, Elena Goñiren, Ana Mari Marinen, Piluca Azparrenen, Teresa Sabaterren eta ikastolako ikasle ohia den Nerea De Diegoren artelanak aztertu ditugu. Oso ongi pasa dugu eta ikastolan ikasitakoa praktikan jarri dugu.
Beste edozein aitzaki bezala, azken asteetan lasterka abiatzeko, hauxe izan da geurea. Mapak, balizak, iparorratzen erabilera abiapuntu, talde-lana xede izanik… primeran pasa dugu.
Alegiazko ipuinetatik abiaturik jolas kooperatiboetan murgildu zaigu 1.zikloa.
Gorka lorezainak lagunduta erreboilak landatu eta ureztatu ditugu. Ea udaberrian kolore ezberdinetako loreak ikusteko aukera dugun.
Aurten, ikastolan, Tolerantziaren Nazioarteko Eguna dela eta, hainbat jarduera egin ditugu ikasgelan, ikasleak sentsibilizatzeko. Bi astez, funtsezko balioak landu ditugu, ziklo bakoitzean bat: genero-berdintasuna, berdintasun eta ezberdintasun fisikoak, berdintasuna zientzia esparruan eta sexualitatea modu askean bizitzea. Irakasleek zuzendutako ekimenez gain, hitzaldiak eta tailerrak eskaini dituzten hainbat familiaren laguntza izan dugu. Ospakizun honi amaiera emateko, taldeek sarrera nagusian prestatutako hormairudian balioak islatzen zituzten leloak itsatsi dituzte, soketatik argazkiak zintzilikatu eta, arratsaldean, denon elkarrekin abesti bat kantatu dugu.
Ikasleei esan genien moduan, balio hauek orain indarrez landu ditugu, baina ikastolan egongo diren urteetan ere bihotzetik lantzen dira eta, horrela, pertsona onak izango dira. Hegoalde Ikastola beti bihoitzean.
Saskibaloi jokalari baten bisita izan genuen abiapuntu zenbait saioetan kirol hortan murgiltzeko, hasieran zaila orain aldiz ea guztietan lortzen dugu saskiratzea.
