Azkenean gure tulipak loratu dira, baratzera atera eta arrosa kolorekoak direla ikusi dugu. Bost hilabete kostatu zaie loratzea, udazkenean landatu genituen eta negua igaro ondoren udaberriarekin batera gure ikastola alaitzera etorri dira.
Aurreko egunean Iruñeko planetarioan egon ginen.Pelikula polit bat ikusi genuen eta planetei buruzko gauza interesgarriak kontatu zizkiguten. Ondoren, ondoko parkean jolasteko aukera izan genuen.
Udaberriarekin batera Endikaren eta Naroaren familiak bisitan etorri zaizkigu. Ikasi dugu zer eraman behar dugun urpean murgildu nahi badugu eta Sant Jordi eta liburuei buruzko ipuin musikal bat entzun dugu. Primeran pasatu dugu! Eskerrik asko!
Paisaia naturalak nolakoak diren ikasten egon garenez, aukera bikaina iruditu zaigu kanpora irten eta gure komunitateko ingurune naturalean aurkitu ditzakegun zuhaitzak nolakoak diren hobeto aztertzea. Horregatik, eskola ondoko zuhaitza gure koadernoan irudikatzen saiatu gara, baita lortu ere! Gure inguruko zuhaitz hauek oso ondo zaindu eta errespetatuko ditugu, badakigulako zeinen garrantzitsuak diren.
Heldu da azkenean 3. zikloko txanda. Epe laburreko laborea izanik kukuluaren aldeko apostua egin dugu, honela ekainean izanen dugu aukera beste zerbait jartzeko.
Gaur 5. mailako sei lagun bolondres aurkeztu dira baratzeko lurra prest uzteko. Lan ederra!
Aurrekoan, Haur Hezkuntzako lagunok landatu genituen loreak ikustera atera ginen. Loreen altuera neurtzen egon ginen, lilipak izugarri hazi dira eta krokusak loratu dira. Zeinen polita dagoen gure baratza!
Atzo, martxoaren 20a, udaberria hasi zen eta oso pozik gaude eguraldi onarekin batera gure inguruko landareak loratzen hasi direlako. Horregatik, gaur gure baratzera jaitsi gara, bertan ditugun loreak, zuhaitzak… ikustera eta nola hazten eta edertzen ari diren ikustera.
Gaurko arratsaldean geure Bolei ibilbideari bukaera eman diogu bi gonbidatu bereziekin. Bai ikastolako gurasoak dira eta inor gutxik bazekien zertan aritzen ziren aisialdian… Gaurkoan argi utzi digute haien pasio hoietakoa Bolei mundua dela. Aunitz esker Idoia ta Juan bihotzez.
Alegiazko ipuinetik abiatuta edo erresistentzi lana, edozein gauza dugu baliagarri elkar-lanean aritzeko, eta funtsezkoena, modu honetan gozatu ahal izatea.
Haur hezkuntzako 1. mailako geletan gorputza ikasten ari gara. Jon Anderren eta Marenen amak bisitan etorri dira. Biak nutrizionistak dira eta gure gorputzarentzat elikadura osasungarriak duen garrantziaz hitz egin digute. Jaki osasungarriak dastatu ditugu eta jolasen bidez gure gorputzerako zer den ona ikasi dugu. Eskerrik asko etortzeagatik!
Hona hemen aurtengo Inauteri eguneko argazkiak eta bideo batzuk. Bertan irakasleek egindakoak eta baita gure ikastolako argazkilari profesionala eta amak, Nagore, egin dituenak. Mila esker! Gozatu!
Martxoko hirugarren aste honetan Aroa eta Aritz familiak izan ditugu bisitan. Zientzialariak izatera jolastu gara eta paperezko txoriak egin ditugu. Primeran pasatu dugu, eskerrik asko!
Zer gauza interesgarriak dauden Iruñean bertan dugun Nafarroako museoan. Gelan landutakoak bertan ikusi ahal izan genuen eta gainera, Santa Ana plaza atseginean lagunen artean gozatu genuen.
Udaberria ate joka dugunez, baratzera atera gara berriro, eta landatu genituen erraboilen hazkundea oso azkarra izaten ari dela ikusi dugu. Hala ere, oraindik ez dira loratu. Ea hurrengoan loreak ikusten ditugun.
