Gaur Lasertag eta merendola elkarrekin egin dugu. Oso gustora egon gara laguntasunaz gozatzen. Aguuuuur 3.maila!!!
Ikasturte amaierako txangoa
Erantzun
Liburuzainak
Aste honetan, 4. mailako ikasleek diploma bat jaso dute ikasturtean zehar ikastolako liburutegian egindako lana eskertzeko. Urritik maiatzera bitartean, jolas-orduan, liburutegiko arduradunaren berezko lanak egin dituzte, eta liburuen maileguak eta itzulketak erregistratzeaz, ordenatzeaz eta behar bezala zaintzeaz arduratu dira. Eskerrik asko zuen konpromiso eta egindako lanagatik!
Mendigorriako kanpaldia
Ostegun eta ostiralean Mendigorriako kanpinean egon ginen Sarriguren eta Iturramako ikasleekin batera. Eguraldi bikaina izan genuen eta elkarrekin egun politak pasa genituen igerilekuan, paseoan, jolasean eta elkarrekiko harremanez disfrutatzen.
Sukaldaritza tailerrak
Bi egun hauetan Xabi eta Carlosekin sukaldaritza tailerretan gozatu dugu. Mila esker!
2025/2026 IKASTURTERAKO MATRIKULAZIOA
Datorren ikasturterako matrikula egiteko epea ekainaren 16tik 20ra da, hemen bertan, ikastolan, 09:00etatik 14:00ak arte. Informazioa posta elektronikoz bidali genizuen, baina dena dela, edozein inprimaki behar izatekotan, hemen emango dizuegu.
Zuen zain izango gaituzue!
Gorputz Hezkuntza saio berezia
Asteazkenean Alaineren gurasoak etorri ziren Gorputz Hezkuntzako saio bat ematera. Bertan, txoko desberdinak sortu zituzten eta guztiak probatu genituen. Oso ondo pasatu genuen, mila esker gurekin ratotxo hauek partekatzeagatik.
IRUÑEKO UDALEKO XXXV LITERATURA LEHIAKETA
Urtero bezala, Hegoalde Ikastolak Iruñeko Udaleko literatura lehiaketan parte hartu du. Ikasleek lan ikaragarri ederra egin dute eta hala geratu da argi saridunen zerrendan. Atzo Kondestablera joan ginen ikasleek haien sariak jasotzera. Zorionak!!!
| KATEGORIA | SARIA | IKASLEA |
| Komikia – A kategoria | 1. saria | Andrea Landa Escribano |
| Komikia – A kategoria | 2. saria | Joane Tantos Villanueva |
| Komikia – A kategoria | 3. saria | Inhar Lezaun Fuentemilla |
| Komikia – A kategoria | 4. saria | Unai Redin Marin |
| Ipuina – A kategoria | 1. saria | Wanda Latasa |
| Ipuina – A kategoria | 2. saria | Hodei Hernandez Marcilla |
| Ipuina – A kategoria | 3. saria | Ibai Lopez Huerta |
| Ipuina – A kategoria | 4. saria | Asier Gil Mugika |
| Ipuina – B kategoria | 1. saria | Ane Fernandez Goya |
| Ipuina – B kategoria | 3. saria | Mikel Jaunarena Ilundain |
Gure udaberriko totema
HH3koek Udaberriko TOTEMA sortu dugu. Artista desberdinen ibilbide eta esperientzia desberdinetatik abiatuta, gure artelanak sortu ditugu, talde kohesioa bultzatuz.
IKASTURTE BUKAERAKO JAIA
Ikasturteari amaiera emateko elkartu gara gaur. Egun zoragarria eta hunkigarria izan da. jarduera asko prestatu dituzte 6. mailako familiek et, eguraldia lagun, izugarri disfrutatu dugu. Ere, 6. mailako ikasle eta hainbat familia gaur agurtu ditugu; ekitaldia ere oso polita izan da.
IV. HEGOLINPIADAK
Egun paregabea gaurkoa! 3 urte pasa dira azken Hegolinpiadak ospatu genituenetik eta gogotsu ginen gaurkoetarako. Hurrengo argazkietan egun duguna ikus dezakezue.
Beisbol: estrategia handiko kirola…
Beste behin, eguraldia lagun izan dugunean, Beisbol munduan murgildu gara zertxobait. Batea, pilota, eskularruak, erabakiak azkar hartu beharra eta dena denbora gutxian… ileak tente jarri zaizkigu!
Herri kirol tailerra
Bortziritik heldu zitzaigun Estitxu bere furgoneta ilusioz beterik. Enborra, euskarri ta arpana batetik, txalekuk eta harriak bestetik… gure ikasleek Herri Kirol mundua gertutik ezagutzeko aukera paregabea izan zuten aste hontan. Mila esker Esti eta Urkori halako goiza oparitzeagatik eta bereziki XABAT ttikiari bere arpana uzteagatik nahiz eta begi onez ez ikusi!
BBB-RCP tailerra
Aurten ere uda heldu baino lehen BBB-RCP tailerra izan dugu ikastolan. Familien eskuhartze nabariari esker erraza bihurtu da. Orain guztioi esker, gauden tokitan gaudela, seguruago izan gaitezke.
Ateraldia parkera
Arrosadian parke politak daude eta gure txikitxoak jada ingurua ezagutzen hasi dira. Pasa den astean paseotxo bat ematera atera ginen. Bide batez, han bokata jan genuen eta jubilatuen paseoen artean gure txikitxoak gustora jolasten egon ziren.
Enara Azpizuriak auzoan
Enarak eta sorbeltzak heldu dira bai Arrosadia auzora, orain topera dabiltza euren habiak berritzen eta txukuntzen. Goiz eta arratsean izaten dute egundoko festa… Pena ikastolako horietan ez direla momentuz sartu, BAINAAA ohartu al zarete beste txori mota batek gure ikastola aukeratu duela bere habia egiteko?