5. mailako ikasleek Euskara arloan iritzi testua landu eta gero, bizi ari garen egoerari buruz idatzi dute. Izan ere, taldeak ezin dira nahastu eta ikasleek horri buruz haien iritziak kaleratu dituzte.

Gaur gure ikastolara Fermin Ezkieta etorri da Ezkabako ihesaldiaren inguruan hitz egitera. Aprobetxatuz gizarten historia eta gerra zibila landu dugula, Ferminen hitzaldia ikasitakoa finkatzeko eta sakontzeko oso erabilgarria izan zaigu.

Oso interesgarria izan da, gauza asko kontatu dizkigu eta asko ikasi dugu gure hirian izandako gertakari honen inguruan!

Mila esker Fermin!

LH4 ko ikasleak ere aritu gara baratzean lanean. Lehenengo, lurra prestatu genuen. Horretarako, harriak kendu, ongarria bota, eta zapalda guztia berdindu genuen. Zeinen dibertigarria den aitzurrarekin lanean aritzea!! Ondoren, ilarrak erein genituen. Eta orain ea landareak ateratzen diren.

Asteartean Alaine Agirre idazlea 3.mailako ikasleekin topaketa egin genuen. Liburu bat idaztearen sormen prozesuari buruz pixka bat gehiago jakiteko aukera paregabea izan zen. Antzerkitxo bat aurkeztu genion eta galdera asko egin genizkion ere… berak bere azken liburua aurkeztu zigun. Primeran pasa genuen!

Aurten, LH 2. mailako ikasleok ikastolako baratzean habak erein ditugu. Hori egin aurretik neurketa lanak burutu ditugu haziak non erein jakin ahal izateko. Espero dugu aurtengo uzta oso ona izatea.

ACODIFNA (Asociación Coordinadora de personas con Discapacidad Física de Navarra)  elkartetik gonbidapena heldu zitzaigun. Gelan gaia landu eta gero marrazki lehiaketan parte  hartzea erabaki genuen sentsibilizazio kanpainan  laguntzeko. Hemen dituzue adibide batzuk.

5. mailan Gaztelaniako proiektuan munduko klimak aztertu ditugu eta horiei buruz azalpen testuak idatzi ditugu. Gainera, Gizarte Zientzietan penintsulako klimak ikasi ditugunez, bi arloak lotu ditugu.

Oraingo honetan 6.Ako ikasleak irrati saio bat prestatu dute! Lan handia egin dute hau aurrera eramateko! Entzun irrati saioa eta gozatu! Gogoratu, irratsaioa entzun ahal izateko, klik egin eskuinaldeko barran dagoen HegoIRRATIA irudian.

Euskaraldia ospatzeko egin ditugun jardueren artean, gaur euskara eta euskararen erabilpenari buruz hausnartzeko txokoak osatu ditugu.

Azaroak 25 egun garrantzitsua da eta azpimarratzekoa bere mezua. 5. mailako ikasleek haien auzo eta herrietan eraso sexistarik onartzen ez dela aldarrikatzeko kartel zoragarriak sortu dituzte.