Unescok hala izendatu zuen kirol alternatibo hau. Oztopatu ezin, jokaldia moztu ezin… dena egin zitzaigun arraro hasieran, baina emaitza zoragarria izan da. Urteetan ezinezkoa izan zaiguna lortu dugu… markagailua? Idearik ez, zeinek behar du?.

Abenduan zehar, lanbideen inguruan asko ikasi dugu. Lanbide desberdinak ikusi ditugu: nekazaria, abeltzaina, irakaslea, albaitaria, garbitzailea… Ikasitakoa borobiltzeko, Edu eta Iosuren bisitak izan ditugu gelan. Haien lanbideak musikarekin lotuta daude eta beraien esperientziak kontatzera eta baxuarekin eta akordeoiarekin zerbait jotzera etorri zaizkigu.

Bigarren mailakoak Nafarroako Museora joan gara. Bertan, “Teseo eta minotauroa: Nafarroako Museoko mosaiko erromatarrak” ikustaldia izan dugu.

Erakusketako piezekin lotutako istorioak kontatu dizkigute, Ariadna printzesaren ikuspegitik abiatuta. Honi esker, beste garai batzuetako artea eta bizimoduak ikusi ahal izan ditugu. Gainera, iraganeko garaiek gaur egungo bizimoduarekin dituzten antzekotasunen eta desberdintasunen inguruan hausnartzeko aukera izan dugu.