4. eta 5. mailako ikasleek asteartean, hilak 16, antolatutako liburu-azoka oso arrakastatsua izan zen. Bertan bildutako ikasle, irakasle eta familiek liburuak euro batean erosteko aukera izan genuen, eta baita saltzaile gazteen trebetasunez gozatzeko aukera ere. Orain, lortutako diruarekin, gehien gustatzen zaizkien liburuak erostea baino ez zaie geratzen. Zorionak!
Kaixo! Aste honetan Emausko Trapuketariengana joan gara. Mankomunitatearen ekintza bat da, eta ikasi genuen egunero milaka produktu kontsumitzen ditugula, eta zaborretara botatzen ditugunak. Baina pertsona batentzat hondakina izan daitekeena, beste batentzat ilusioa edo altxor bat izan daiteke!
Hango funtzionamendua erakutsi ziguten, eta egiten duten lanarekin harrituta gelditu ginen. Zenbat gauza jasotzen dituzten! Urte osoan zehar 13.000.000 kilo baino gehiago jaso dituzte: altzariak, arropak, jostailuak, telebistak… eta abar.
Mila esker egiten duzuen lanagatik eta gauzei bigarren bizitza emateagatik!
Beste egunean, 5.mailako ikasleak “Oso bizi dagoen konposta” ekintza burutu genuen. Mankomunitateko Xabi etorri zen, eta konpostaren inguruko informazioa eman zigun. Asko ikasi genuen: nola egin behar den, zer bota dezakegun eta zer ez, ongi birziklatzearen garrantzia… Horretaz aparte, aurten konpostaren arduradunak garenez, baratzera jeitsi ginen konposta nola dagoen ikustera eta lan pixka bat egitera. Interesgarria da benetan!
Atzo Beltzi eta Lorentxo izan genituen gure ikastolan. Beltzi, Baztango ardi latxa da, eta Lorentxo, honen artzaina. Beraien lanaren berri ematera etorri ziren. Erronkariko gaztaren inguruan hitz egin ziguten eta hau lortzeko prozesuaren inguruan. Asko ikasi genuen eta oso bisita berezia iruditu zitzaigun! Ze gauza ederrak ditugun gure lurretan! Holako ekintzekin gehiago baloratzen ditugu gure produktuak eta gure inguruko jendeak egindako lana! Gazta probatzeko aukera ere izan genuen! Super goxoa zegoen! Mila esker bisitagatik!
Urtero bezala, Hegoalde Ikastolak ekimen zoragarri honetan parte hartu du, 5. eta 6. mailako ikasleek eskutik. Hemen duzue prentsako oharra:
Gaur, LH 5.mailako lagun guztiok ginkana bat egin dugu patioan zehar. Ikasturte honetan gurea egingo dugun esaldia osatzeko hizkiak bilatu ditugu eta esaldia osatu ondoren, abestu eta rapeatu dugu. Hauxe izan da gure esaldia: BEHAR DUZUNERAKO, ZURE ONDOAN NAGO. Ze gustura ibili garen guztiok elkarrekin!!
Lehen Hezkuntzako 5. mailan, azken ikasturteetan bezala, aniztasun sexualari buruzko Ikaskuntza eta Zerbitzua proiektua burutu dugu. Aurtengoari amaiera emateko eta zerbitzu bezala, bi irratietan elkarrizketatuak izan gara. Ez galdu aukera eta entzun!
Beste behin, eguraldia lagun izan dugunean, Beisbol munduan murgildu gara zertxobait. Batea, pilota, eskularruak, erabakiak azkar hartu beharra eta dena denbora gutxian… ileak tente jarri zaizkigu!
Aurten ere uda heldu baino lehen BBB-RCP tailerra izan dugu ikastolan. Familien eskuhartze nabariari esker erraza bihurtu da. Orain guztioi esker, gauden tokitan gaudela, seguruago izan gaitezke.
Joan den apirilaren 15ean, Lehen Hezkuntzako 4., 5. eta 6. mailako ikasleek, inguruko hainbat ikastetxetako beste ikasle batzuekin batera (Amaiur Ikastola, Iturrama BHI, Iturrama eskola eta Hezkuntza Bereziko Andrés Muñoz eskola), Musiqueando topaketan parte hartu zuten.
Gure ikasleek bi abestitan parte hartu zuten: lehenik, Dua Liparen “Levitating” abestia gorputz-perkusioarekin lagundu zuten, eta, ondoren, Zetaken “Aralarko Dama” abestia abestu eta perkusio txikiko hainbat instrumentu jo zituzten (triangelua, kaxa txinatarra, klabeak…).
Oso esperientzia polita izan da eskoletan musikan egiten dugun lana kalera eramatea eta inguruko beste zentru batzuekin agertokia partekatzea.
Lehen Hezkuntzako 3., 4., 5. eta 6. mailako ikasleek ikastolako agenda euskararekin edertzeko esaldi, abesti eta bertsoak aukeratu eta zerrendatu dituzte. Hurrengo ikasturtean gure agendan izango ditugu!
Bestetik, gaurko korreoan irakurri duzuen Euskaraldia txokoa prestatu berri dugu. Ostegunean hasita eta Euskaraldiak irauten duen bitartean, 16:30etik aurrera familian argazkiak egin ahal izango dituzue, gero gurekin partekatzeko. Hona hemen irakasleon bi adibide:
Azkenik, anima zaitezte datorren asteko hitzaldietan parte hartzen. Hemen duzue izena emateko esteka.
Ohiturak lege, eskaladako esperientzia borobiltzeko, Lh5 Rokopolisera joan zen eta Lh6.k tirolinaz gozatu zuen.
Urtero bezala Iruñeako udalak antolatutako BiziEskola kanpainan parte hartuz… gure trebetasuna erakutsi dugu.
