Urtero bezala, Hegoalde Ikastolak ekimen zoragarri honetan parte hartu du, 5. eta 6. mailako ikasleek eskutik. Hemen duzue prentsako oharra:

Gaur, LH 5.mailako lagun guztiok ginkana bat egin dugu patioan zehar. Ikasturte honetan gurea egingo dugun esaldia osatzeko hizkiak bilatu ditugu eta esaldia osatu ondoren, abestu eta rapeatu dugu. Hauxe izan da gure esaldia: BEHAR DUZUNERAKO, ZURE ONDOAN NAGO. Ze gustura ibili garen guztiok elkarrekin!!

Atzo Haizea Loira gelara etorri zen tailer dibertigarri eta polit bat egitera: lehenengo ipuin bat kontatu zigun eta galderak botatzen zizkigun bitartean irakasleak ideiak apuntatzen zituen. Gero, gorputzarekin erritmo ezberdinak egin genituen eta gure abestirako erritmoa aukeratu genuen. Erritmoa eta gitarraren melodia prest genuenean, gure abestirako letra asmatu genuen gure aurreko ideietatik abiatuta. Azkenean, abesti ederrak sortu eta grabatu genituen. Gure hurrengo txirrinetan entzungo dituzue!!!!! Mila miloi esker Haizea!!! 

Lehen Hezkuntzako 5. mailan, azken ikasturteetan bezala, aniztasun sexualari buruzko Ikaskuntza eta Zerbitzua proiektua burutu dugu. Aurtengoari amaiera emateko eta zerbitzu bezala, bi irratietan elkarrizketatuak izan gara. Ez galdu aukera eta entzun!

Hirugarren hiruhilekoan zehar, euskara eta ingurunen, itsas animaliak eta azalpen testuak landu ditugu. Ikasi dugun guztiarekin gure itsas animalien erakusketa bikaina antolatu dugu, informazio guztia, txukun eta polit, lapbook zoragarri batzuetan laburbildurik. Familia pila bat etorri dira gure erakusketa ikustera eta denok, primeran pasatzeaz gain, asko ikasi dute.

Xake tableroa berritu dugularik berriz ere heldu zaigu Xakean jolasteko garaia, eguzkipean akaso gehiegi pentsatu beharra…